50++ Lirik Lagu ciptaan komponis legendaris Djaga Depari
Andiko Alena
-----------------
Andiko Alena Andiko
Andiko Alena Andiko
Ise Kel Nge Si Adah Ndia
Melantang Bage Odak Na Nake
Ngena Ate Singuda Nguda
Andiko Alena Andiko
Ise Kel Nge Si Adah Ndia
Sodagar Nge Ndia
Perpangkat Nge Ndia
Persantan Batu Nge Ndia
Pergantang Telpus Nge Ndia
Lakurang Bage Sombong Na
Adi Rupana Tuhu Meparas
Ngerana Ka Pe La Kurang Keras
Adi Ngerana Si Kita Ras
Cakap Manggeris Ibelas Belas
Bagem Tuhuna Adi Jelma Enggo Pantas
Ergan Kedep Asangken Beras
Bagem Tuhuna Adi Jelma Enggo Pantas
Ergan Kedih Asangken Tomat
Ariko Kena
--------------
enggo ndekah turang kita lanai jumpa
megergo gergo kal ukurku ku baba
bagi silit bagi silang kata kena
perdalan ku pe enggo terjelpa jelpa
ariko kena maka kita ngerana
gelah si dungi turang arih-arihta
ariko kena maka kita ngerana
gelah si dungi turang arih-arihta
kidekah kena lawes ngelajang bana
la kuidah lit berita kecibal kena
adina enggo kita jupa ijenda
madin sidungi kerna arih arih ta
ariko kena maka kita ngerana
gelah si dungi turang arih-arihta
ariko kena maka kita ngerana
gelah si dungi turang arih-arihta
sedekah kena laterlupaken aku
kai pe kudahi kena bas ingetenku
kune arih ta kin lalap kin la erbuku
pitu pe sambarna labo bas ukur ku
ariko kena maka kita ngerana
gelah si dungi turang arih-arihta
ariko kena maka kita ngerana
gelah si dungi turang arih-arihta
berngi pe lalap kena jadi nipi ku
mbayu pe aku kenang rusur timan ku
adina lalap kin arihta la tudu
piga pe sambarna labo bas ukur ku
ariko kena maka kita ngerana
gelah si dungi turang arih-arihta
ariko kena maka kita ngerana
gelah si dungi turang arih-arihta
Berastagi Bandar Baru
---------------------
Berastagi ku bandar baru ari rudang
Sarinembah si nuan buluh
Berastagi ku bandar baru bapa langge rudang
Sari nembah si nuan buluh
Jenda ersentabi kami lebe man bandu bapa nande turang
Rikut ken nembah jari jari sepuluh
ijenda ersentabi kami lebe man bandu bapa nande turang
Rikut ken nembah jari jari sepuluh
Enda tualu kabang ku bide ari langge
Idah cinepna I sanggar pua
Enda tualu kabang ku bide ari langge
Idah cinepna I sanggar pua
Ijenda sipalu bage gendang sarune ari nande
Nde kutotoken gelah cawir kam metua
Ijenda sipalu bage gendang sarune
Nde kutotoken cawir kal kam metua
Ersiggar-singgar si bulung kenas bapa rudang
Meruah-meruah si juma lepar
Ersiggar-singgar si bulung kenas bapa rudang
Meruah-meruah si juma lepar
Sibar bage me lebe toto ku belas bapa turang
Mejuah-juah karina kita pekepar
Sibar sibar bage me lebe toto ku belas bapa nande turang
Mejuah-juah karina kita pekepar
La erlada-lada jera sitangke ropah sapih rudang
Kuruah-ruah batang si regi-regi
La erlada-lada jera sitangke ropah sapih rudang
Kuruah-ruah batang si regi-regi
La ersada-sada apai pe la erndobah ari turang
Mejuah-juah kam karina si megi-megi
La ersada-sada apai pe la erndobah ari turang
Mejuah-juah kam kerina si megi-megi
Nde polapia persabah lau tengguli biji langge
Si baba cuan kel nge jadi pencamet
Nde polapia persabah lau tengguli biji langge
Si baba cuan kel nge jadi pencamet
Ola tersia karina toto mehuli bibi nande
Uga ni sura bage pagi ni dapet
Ola kel tersia karina toto mehuli bibi nande
Uga ni sura bage pagi ni dapet
Ersigar-sigar si bulung kenas bapa rudang
Enda ngincuah dalan tapinna Kandibata
Ersigar-sigar si bulung kenas bapa rudang
Enda ngincuah dalan tapinna kandibata
Sibar bagem me lebe toto kubelas bapa turang
Mejuah-juah nande pendungi kata
Sibar-sibar bagem me lebe toto kubelas bapa turang
Mejuah-juah nande pendungi kata
Bintang Similep-ilep
--------------------
Aloi kel aku o turang
tedehku men bandu la teralang
kutera pe la malemna morah ate
adi la kin jumpa aku ras kena
turang morah kel ateku
kutatap ku bulan na meganjang
ukurku pe ndauh kabang-kabang
lanai kueteh rukur rusur turang
nde la kin jumpa aku ras kena
turang morah ateku
bintang bintang si milep-ilep kutanta
inganta ayonta pedempak
bintang bintang si milep-ilep kutanta
inganta ayonta pedempak
peseh tenahku tenah tedehku
men bandu la ermasap
kutatap kudelengna meganjang
kuidah bulung-bulung pengusung
ukurku pe enggo ndauh kabang-kabang
aloi kel aku sekali nari turang morah kel ateku
Bulan Purnama
-------------
entabeh kel ranndu turang
rikut pe sumpah katandu rutang
ersumpah kel kam ndube
rikut ken ertutus ate
sepengodak sepengole kel jina
paksa bulan purnama raya
kita erkuan arihta ersada
enggo mbar kel berita oh ari turang
enggo meteh jelma sebelang-belang
segantang perburihen sada mangkuk perburihen
janji arih si pudun kel jine
paksa bulan purnama raya
kita erkuan arihta ersada
ija kam ndai ija kam ndai oh turang singuda
ola kel melus ula kel nartar rudang sikusuan
tawa ras cirem kita duana paksa terang bulan
ula kel sempat ula kel sempat arihta sirang
paksa bulan purnama raya
kira erkuan arihta ersada
Gelombang Erdeso
----------------
Nehen lah Gelombang Erdeso
I Embus Anginna Si Lumang
Wari Pe Ndabuh Ku Gelapna
Bulan Pe Ku Sundutna
Si Man Timanken Pe Lalap La Jumpa
I Ja Kam Ndube Nari Nde Karo
Perdalanku Pe Termampa-Mampa
Ndarami Kena Turang
Nehenlah Ukurndu Bage Ningku Bandu
Turang Nande Kel Karona
Layasi Ukurndu Bage Ningku Bandu
Turang Bere Kel Tiganna
Kundul Kal Mama Tiganndu Sisada
I Tepi Gelombang Erdeso
Mambur Iluhku Mambur Ku Pusuh
Nimaisa Kena Turang
I Ja Sayangku Ndai
------------------
I ja sayangku ndai?
Tedeh kel ateku ia.
Lalap kel kam ku darami nande Bayang.
Tersungkun i bas pusuhku
I ja kel kena gundari?
Lalap kel kita la jumpa nande Bayang.
Ku tatap, ku bulanna meganjang.
I je me mata'ta erdemu.
Kepeken kita 'nggo 'ndauh sirang
Nande Bayang langgo nembeh.
Kepeken kita 'nggo 'ndauh sirang
Nande Bayang la megogo.
Kuda Gara
---------
enda cike lambang bunana nde lada jera gula batuna
enda nde ise pe la gunana nde sada kena ngenca ateku nge
oh si kuda gara ola kena merawa
ala tipang tipang tolo la bayang
ala gudem gudem gudem pong
ala tipang tipang tolo la bayang
ala gudem gudem gudem pong
kandi kandi buluh la riket
nde kuta buluh kuta kembiri
la erngadi nge di kena kuinget
nde tupung tunduh kena bas nipi
oh si kuda gara
ola kena merawa
ala tipang tipang tolo la bayang
ala gudem gudem gudem pong
ala tipang tipang tolo la bayang
ala gudem gudem gudem pong
enda ndabuh tualah pirang
ndabuhna ku tiga binanga
amin ndauh gia kita sirang
arah surat kita ngerana
ah ... oh si kuda gara
ola kena merawa
ala tipang tipang tolo la bayang
ala gudem gudem gudem pong
ala tipang tipang tolo la bayang
ala gudem gudem gudem pong
adi bagenda musim perudan
paksana merdang i kuta buluh
la kenca kita erkuan
ngamburken iluh mata tertunduh
oh si kuda gara
ola kena merawa
ala tipang tipang tolo la bayang
ala gudem gudem gudem pong
ala tipang tipang tolo la bayang
ala gudem gudem gudem pong
Lampas Tayang Melaun Tunduh
---------------------------
Lampas tayang melaun tunduh turang
Nginget-nginget ranandu rutang
Piah-piah 'nggo mbages berngi
Daging tayang mata la tunduh turang
Melenget meriso ertangkel sisada agi
Si man tangkelen lalap la tembe
Piah sampur iluh i mata
Daging ngalah rukur pe latih turang
La gunana ku numpah padan
Iluh ku naring ngenca mambur
Tapi bage kin gia uga ku bahan
Saja kena nari ngenca rukur
Mehuli ndube si ban arihta turang
Aku pagi bandu nindu man bangku
Tapi gundari kita 'nggo sirang
Kai salahku robah kel aku turang.
<Robah kel aku mesayang>
Mari Kena
---------
Mari turang geget ate mari kena
Sikel kal aku o turang kita ngerana
Aloi, aloi kal aku
Kena kal nge pinta-pintangku
Mari turang iah mari kena
Mari turang iah mari kena
Tebing kal kapen o turang ingandu ena
Nipe karina i jena ringan i jena
Tadingken kal ingandu ena
Mari ras kal kita jenda
Mari turang iah mari kena
Mari turang iah mari kena
Tertima-tima kal kami kerina gundari
Kalimbubu, anak beru ras seninanta merari
Mulih kal gelah kena keleng ate
Ras kal kita jenda morah ate
Ula lebe meja dage
Mari turang iah mari kena
Mari turang iah mari kena
Mbaba Kampil
------------
enda reh temanku si mbaba kampil
ate kami reh ngelegi kena
sendah ula kari kami la tampil
adi la tampil keri nge suina
adi la tampil keri nge suina
adina ue nggona nina padanta
sipersada arihta duana
sendah tudung ngarakken bulang-bulang
seh tunggungna adi kita makesa
seh tunggungna adi kita makesa
turang nguda kukelengi gelah ula kal tersia
gelahna ula ula aku la tampil
adi la tampil keri kel suina
adi la tampil keri kel suina
aku pe ue ningku sekali enda
ota berkat dage kita duana
gelah metunggung tatapen kalimbubu
adi ersada arihta duana
gelah ersada arihta kerina
turang nguda kukelengi gelah ola kel tersia
adi la tampil kerikel suina
enda reh temanku si mbaba kampil
ate kami reh ngelegi kena
sendah ula kari kami la tampil
adi la tampil keri nge suina
adi la tampil keri nge suina
adina ue nggona nina padanta
sipersada arihta duana
sendah tudung ngarakken bulang-bulang
seh tunggungna adi kita makesa seh tunggungna adi kita makesa
turang nguda kusayangi gelah ula kal tersia
gelahna ula ula aku la tampil
adi la tampil keri kel suina adi la tampil keri kel suina
aku pe ue ningku sekali enda
ota berkat dage kita duana
gelah metunggung tatapen kalimbubu
adi ersada arihta duana
gelah ersada arihta kerina
Mbuah Page
----------
palu me gendang landek me kita ras rende
sada pengodak pengole notoken wari mejile
maka mbuah ko page mbuah ko page
maka mbuah ko page mbuah ko page
palu me gendang landek me kita ras rende
sada pengodak pengole notoken wari mejile
maka mbuah ko page mbuah ko page
maka mbuah ko page mbuah ko page
payo me nindu dage tuhu me nindu dage
gelah meriah erjujung meriah nutu ku lesung
gelahna lit dalinta pulung pulung metunggung
pulung metunggung turang pulung metunggung
Mejuah-juah
-----------
Mejuah-juah kita kerina
Nande bapa mulia
Rikut ken tuah sangap kerina
Nantang singalah-ngalahna
Rikut ken tuah sangap kerina
Nantang singalah-ngalahna
Ibas kita pulung pulung metunggung
Arih ta pe ola rayu
Singuda denga ras si metua
Nantang kerina si rogana
Singuda-nguda ras ras anak perana
Jumpa atena ngena
Nampe rejeki bage kini malemen ate.
Nese mesui ate ras nipi gulut bage.
Ngayo tendinta jujuri Dibata
B’rena sangapNa man banta.
Ngayo tendinta jujuri Dibata
B’rena sangapNa man banta.
Nangkih Deleng Sibayak
----------------------
Nangkih deleng sibayak turang
kincuah ku raja berneh bayu
kita nggo ndauh sirang turang
kami ijenda tertima-tima bayu
* lawit si mbelang kap erbahansa
kita sirang lanai banci jumpa
tangis ngandung mambur iluhku
nginget kena rusur lanai banci jumpa
rirang-rirang gumpari turang
adi rirang meruah-ruah bayu
sirang kita gundari turang
adi sirang mejuah-juah bayu
ku *
Nese Embun
----------
nese embun erpagi-pagi turang
ngalur-ngalur lau beringin ergalung-galung
nginget-nginget arih la sahun turang mama nangin
lampas tayang lampas tayang melawen tunduh o turang
mayap-ayap kuliki kabang turang
percinepna uruk gundaling arah kenjahe
nde ngayak-ngayak atendu lahang turang morah ate
la kel kuarap, la kel kuarap bagenda kel nggo jadina
ngalur-ngalur lau beringin ergalung-galung
ngalur-ngalur lau beringin ergalung-galung
nginget-nginget padan la sahun turang mama nangin
piah iluh, piah iluh enggo kel mambur terisang
nese embun erpagi-pagi turang
ngalur-ngalur lau beringin ergalung-galung
nginget-nginget arih la sahun turang kel singuda
em kap erbansa, em kap erbansa mataku lanai tertunduh
Perkantong Samping
------------------
perkantong samping turang la kel beredar nindu
perbahan uis turang jadi gantang tumbandu
rukur kel lah kam tading nande iting
ola nari si mandang-mandang
uis banci sambari lagu sikata tuhu
tatap buah kayang-kayang jilena la teralang
matahna pe la man gulen tasakna la man pagan
emakana rukur kam tading ari turang
ola nai simandang-mandang
bagenda musim erjuang kai kin pe bagi si kurang
bagenda musim erjuang kai kin pe bagi si kurang
Pernantin
---------
Ngembus, ngembus kal ko angin
Seh ngayak Pernantin ingan ergurila kin
Laskar rayat simbelin, Pernantin tama pujian
Sehken tenahku man bana
Lalap aku la lupa berneh-berneh ras reba-rebana ras sapo-sapo
Ingan mengungsi kerina
Seh ngayak Juhar, Juhar si mbelang
Janah ka pe tiga, tiga Sigenderang
Inganku terkelin ndube, seh menang gurila bage
Taneh sakti mulia ingan ergurila
Mejuah-juah kita kerina jelma si ngianisa
Pio-pio
-------
O, tengah berngi si ngo-ngo
Terbegi sora pio-pio.
Tengah kesain lino seh lengetna
Ula lupa aku kerna padan pengindo.
Tengah kesain lino seh lengetna
Si ateku jadi pe 'nggo entabeh perpedemna.
Oh pio-pio tergangen min sora kena
G'lahna medak turang ateku ngena.
Rusurkel aku terlebuh, erdilo.
Turang besan la megogo
Ras 'lebuh-lebuh erpelingko.
Oh enggo me mulih dage aku
Permulihku pe bagi pertandang pertabu.
Jumpa la erkuan, lawes la erbetehen bage ndube aku
Mulih kin pe aku labo lit si ngepkep aku.
Rusurkel aku terlebuh, erdilo
Turang besan la megogo
Ras 'lebuh-lebuh erpelingko.
Piso Surit
----------
Enggo, engo me dagena
Mulih me gelah kena
Bage me nindu rupa
Agi kakana
Piso surit, piso surit Terpingko-pingko
Terdilo-dilo
Lalap la jumpa
Ras atena ngena
Ija kal kena turang
Tengahna gundari
Siangna menda turang
Atena wari
Entabeh naring kena tertunduh
Kami nimaisa turang tangis teriluh
Tengah kesain keri lengetna
Remang mekapal turang seh kal bergehna
Tekuak manuk babo geligar
Engo me selpat turang kite kulepar
Purpur Sage
-----------
Kai kin nembeh ate erteman
Kai kin nge menek ate ku kade-kade
Ku aron, kai nge morahta kai nge
Ulanda lebe ergila ate
Ukuri kita terjore-jore
Sialemen kita erpurpur sage
Kerina nge jelma si ngeluh enda
Labo kal nura mahan si ceda
Tapi mekatep kkap kal salah perlakona
La ietehna lepak ulina
Erkadiola dungna ia
Maka ula lebe murta ula meja
Ula kal lebe megelut, ceda gia
Jera kali a robah jina
Purpur sage gelah simehulina
Rudang Mayang
-------------
o rudang mayang
jilena la teralang
batangna melendang la terpandang
o rudang mayang
jilena la teralang
buahna megara la terjaka
oh rudang mayangku la nggo melus
salsali matawari
oh nande tiganku la nggo meruntus
ija kena gundari
oh rudang mayang
jilena la teralang
batangna melendang la terpandang
Rudang-rudang
-------------
Adi enggo mbelin bage
Mebelin daging nibaba nake
Mbelin bekas pendidong-doah
Nande bapa perkuah
Ras ikuning-ikuningi mami
Mami mbacar metami
Mehuli kal ajarna ndube
Rikut bage toto pasu-pasuna
Ula kal macik tangke rudang
Rudang kalimbubunta
Rudang-rudang mejile nake
Tuah nu kade-kade
Maka ersingkal gelah
Babah nande-bapanta sumekah
Payo me nateta tuhu me nateta
Sipake me pedah
Ula kal macik tangke rudang
Rudang-rudang mejile
Rudang-rudang mejile
Rumba Karo
----------
Mari radu kita rende
Radu landek kita ale
Ngendeken laguna rumba
Rumba karo bage gelarna
Pesalang-salangken ukur meremang
Ukur si mberat gancih menahang
Ula ndeken dage
Tah lit kin si la tembe
Turuh-turih dage
Ula terndele
Pesalang-salangken ukur meremang
Gelah si mberat gancih menahang
Seni Karo
---------
Turah-turah kal ko rudang
Rudang seni karo si mbelang
Idur tenggiringna metebing
Sinasa mata nilah celing
Penganggeh seding pepeling
Bage gia ola melus ko rudang
Ola kote ola rending ngayak gedang
Megenggeng nurahken bana ngayak galang
Iduru tebing, tebingna metenggiring
Ula merampek ban las wari si erdenging
Nilah gia mata si nono natap-natap
Mampet gia penganggeh ndauh nerap
Jaka-jakailah langitna meganjang
O rudang-rudang seni Karo si mbelang
Sikacang Koro
-------------
1) O sikacang koro ari turang-turang o sikacang koro
O sikacang koro ari turang-turang o sikacang koro
2) Kai kel denge-denge turang makana
Kam jujur nari ari turang a ha ..
Kai kel salah lepak ku turang makana
Kami lewas nari
Ajari aku, ajari aku ari turang turang (3)
Kembali ke 1)
Labo kam kutadingken karo bageme nindu
Aloi aku ari turang
Labo kam ku elokken karo bage me nindu
Aloi aku aloi aku nande iting aloi aku
Ari turang-turang
Kembali ke 1) trus ke 2)
Si Mulih Karaben
----------------
Benna ka menda wari bage
Langit pe tempa erkire-kire
Mulih ku rumah kari
si erdahin i sabah
Lit sora kalak erdilo-dilo
Sora ndilo mulih ralo-alo
Seh kai rumah kari
Banci me ia ngadi-ngadi
Nde aku ku ja mulihku gundari
I ja ndia inganku ngadi-ngadi
Latih kal bage suari ras berngi
Denden ukur picet ari
O Si Mulih Karaben
Ercakap aku la radum
Rende ningen lanai ersora
Kerah iluh ndekahsa ngandung
Erdalan pe la jingkangken nakke
O Si Mulih Karaben
Sora Mido
---------
Terbegi sora bulung-bulung erdeso
I babo makam pahlawan si lino
Bagina sora serko medodo
Cawir cere sorana mido-ido
Terawih dipul meseng kutanta ndube
Iluh si lumang ras simbalu balu-balu erdire-dire
Sora ndehereng perenge-renge ate
Kinata ngayak-ngayak merdeka ndube
Makana tangarlah si ngelem layar-layar
Ula kal merangap ula dage jagar-jagar
Kesah ras dareh ndube tukurna merdekanta enda
Ula lasamken pengorbanan bangsata
Enggom kap megara lau lawit ban dareh simbisanta
Enggom megersing lau paya-paya ban iluh tangista
Enggom kap megelap langit ban cimber meseng kuta ndube
ngayak-ngayak merdeka kal kita
Tegu me dage temanta si enggo cempang
Didong kal dage anak-anak tading melunang
Keleng ate ras dame sisada karang
E me pertangisen kalak lawes erjuang
Terbegi sora bulung-bulung erdeso
I babo makam pahlawan si lino
Bagina sora serko medodo
Cawir cere sorana mido-ido
Sue Sue
-------
Arah kepultaken mbincar matawari
Ulanai min tunduh ota lawes ridi
Gelah min mejingkat ras menahang kula
Sidahi dahinta dahin si erguna
Sue sue sue gelah arihta
Ue ue ue gelah ningkena
Makana dahinta lit kari gunana
Arih si ersada me bena-benana
Perik kabang-kabang iherna rende-rende
Bage ka pe kita ola ndele-ndele
Sidahi dahinta ola sempat murde
Mari sipesikap gelah sikap jore
Sue sue sue gelah arihta
Ue ue ue gelah ningkena
Arih si ersada me bena-benana
Makana dahinta lit kari gunana
Taneh Karo Simalem
------------------
Kutatap ras kutulihken
Taneh ingan kemulihen
Kujamu kuema-ema bage
Taneh karo mejile
O Taneh Karo Simalem
Ingan cio cilinggem
Meganjang kal beritana
Sebelang-belang dunia
Mehamat kal kap jelmana kerina
La kal lit si jegirna
O Taneh Karo Simalem
Ingan cio cilinggem
I kepar lawit si apai kin ndia
Kecibalku kin gia
Keleng ateku ia
Lalap la erleka
O Taneh Karo Simalem
Ingan cio cilinggem
Terang Bulan
------------
Endeken kami lagu si terang bulan turang la megogo
Tare-tarena bintang mergaris-garis
Pala-palana kita enggo erkuan turang la megogo
De sirang ningen pagi ngandung tertangis
Lagu si terang bulan turang morah ate
Lagu si terang bulan bulanna meganjang
Palana enggo kita erkuan turang morah ate
Adi enggo erkuan ulanai kita sirang
Langit meratah bintang margore-gore turang la megogo
Bulan meganjang turang bulan belah purnama
Arih-arihta pedas kal gelah jore turang o turang
Lah ola lasam kita rusur ngerana
Lagu si terang bulan turang la megogo
Lagu si terang bulan nggara sepuluh
Jendam kita erkuan turang o turang
Ula min lasam turang kita melawen tunduh
Terang Bulan
-------------
<versi I >
Nde sere pia rudang
Jera ni gele-geleken langge baka rudang
Nde sere pia sanggar baleng
Jera ni gele-geleken rudang ku deng-dengi
Enda meruah-ruah si rudang
Kel nina si regi-regi.
Enda meruah-ruah si rudang
Kel nina batang si regi-regi.
Lagu kai ndia nande bapa kerina
Deba i endaken kami keleng kel ateku.
Lagu kai ndia nande bapa kerina
Deba i endaken kami turang ku kelengi.
Enda mejuah-juah turang kerina simegi-megi.
Enda mejuah-juah turang kel k'rina simegi-megi.
Enda lagu terang bulan terangina Tiganderket
Arah Tiganderket kita ku Jandi Meriah.
Andi enggo kita erkuan nande Nangin ateku leket
Ukurku si serbut 'nggo tambah meriah
Tambar malem, tambar malem.
<versi II >
Endeken kami lagu si terang bulan turang la megogo.
Endeken kami lagu si terang bulan turang la megogo.
Tare-tarena turang bintang megaris-garis.
Pala-palana kita enggo erkuan turang ku kelengi.
Pala-palana kita enggo erkuan turang ku kelengi.
Nde sirang ningen turang, kami ngandung tertngis
Nde sirang ningen pepagi, kami tangis teriluh.
Lagu siterang bulan turang la megogo
Lagu siterang bulan, bulanna meganjang.
Enggo kita erkuan turang kusayangi
Enggo kita erkuan, ulainai kita sirang, ula kita sirang!
Langit meratah, bintang megore-gore turang la megogo.
Langit meratah, bintang megore-gore turang la megogo.
Bulan meganjang turang, bulan belah purnama.
Arih-arihta pedas lah gelah jore, turang ku kelengi.
Arih-arihta pedas lah gelah jore, turang ku kelengi.
Segelah ula lasam turang, kita rusur ngerana
Gelah ula lasam mesayang, kita rusur ngerana.
< Lagu siterang bulan.... dst >
<versi III>
Endeken kami lagu siterang bulan turang la megogo
Endeken kami lagu siterang bulan turang la megogo
Tare-tarena bintang mergaris-garis
Pala-palana kita 'nggo erkuan turang la megogo
Pala-palana kita 'nggo erkuan turang la megogo
Nde sirang ningen pagi kami ngandung tertangis
Enda adinga sirang pagi kami ngandung tertangis
Lagu siterang bulan turang morah ate
Lagu siterang bulan bulanna meganjang
Enggo kita erkuan turang morah ate
'Nggo kita erkuan ulanai kita sirang, ula kita sirang!
Tiga Sibolangit
---------------
Tiga bage i Sibolangit mbarenda
Tiga Sibolangit tiga parira
Nterem jelma si erbinaga ku tiga
Maba durin parira galuh las lacina
Simedanak anak perana ras inggunada-nguda
Seh kal riahna akapna i tengah tiga
Lit si ngerana tawa-tawa ras atena ngena
Lit ka nge deba si sirang arih-arihna
De kema jilena bage bali ras rudang-rudang
Rudang merim mejile mole-ole I duru embang
Nde mbaru meberkat jilena lanai terpecat-pecat
Erbahan pusuhku bage lanai siat-siat
Uis Gara
--------
Uis Gara, Uis Gara
Man Tanda Mata
Berekenndu Uis Gara
Man Sambar Kena
La Terturiken O Turang
Pusuhku Seh Kal Suina
Mambur Iluhku Terisang
Nginget Kerina Janjindu
O Turang O Turang ...
Lanai Bo ... Lit Malemna
Ibas Pusuhku Nde Biringku
Penadingkenndu
Enggo Musim
Ateku Tedeh Nde Biring Nandangi Kena
Uis Gara Naring
Si Man Tatapen Man Sambar Kena
Ula Gelangken
-------------
e maka ola ... ola ola aku gelangken
ari turang morah ateku
e maka ola ... ola ola aku gelangken
gelangken kena gelah kudatas urukna si meganjang
gelah jenari kam ku tatap kudilo ...
gelangken kena gelah kudatas urukna si meganjang
gelah je nari kam ku tatap kudilo ...
ula aku tading ...
ikut ateku sada ...
o ... ho ... o ... tambar malemku
enda kutatap kel ari ku deleng simole
oh rudang-rudang ku deng-dengi
enda kutatap kel ari ku deleng simole
oh rudang-rudang ku deng-dengi
enda tangkas teridah tangkas teridah ku deleng babo
oh rudang-rudang la megogo
adina lalap pagi arih la jore
oh turang-turang kukelengi
morah ateku ari turang adina lalap kin pagi arih la jore
oh turang turang kukelengi
enda sahun me surung sahun me surung aku mehado
oh turang turang la megogo
USDEK
-----
Lit kidahken momo
Momo manifesto
Manifesto Soekarno
Bapa rayat si rulo
Bapa rayat si rulo
Usdek kap isina
Pijer podi man banta
Em penarang penakit
Perukur si la tengka
Perukur si la tengka
U kap undang-undangta
Undang-undang tahun empat puluh lima
S kap sosial radu kita mulia
Sikeleng-kelengan kerina
D kap demokrasi, terpimpin kapen ia
E kap ekonomi, terpimpin ka ngia
K kap kepribadian, kepribadian Indonesia
Yah dagena alo
Aloken manifesto
Mari rari kita
Usdek gelementa
Sumber:
1. http://karosiadi.blogspot.com/2011/11/kumpulan-teks-dan-terjemahan-lagu-lagu.html
2. http://lirikkaro.com
3. http://syair-karo.blogspot.com/
4. https://lagu.karo.or.id/
